Kosova
Elvana Gjata reagon pas kritikave për të kënduarit “me dialekt nga Kosova”
Jo rrallë herë artistët nga Shqipëria kritikohen nga fansat në rrjete sociale për përdorimin e dialektit të Kosovës gjatë interpretimit të këngëve të tyre.
Së fundmi, edhe këngëtarja Elvana Gjata ka pranuar kritika të këtij lloji, pas publikimit të një seti fotografish në Instagram, ku kishte shkruar – “Se kur më sheh me crown. Like 1,2,3 e ke ron ti”.
Komentet në postimin e Elvanës, si përherë ishin të shumta, por mes mijëra sosh, një nga ta duket të ketë rënë në sytë e yllit të hitit “Loti”.
“A nuk mundesh me këndu një këngë me tekst dhe dialekt shqip, se ke mbet tu këndu me tekst e dialekt të Kosovës. Gjithë kosovarët këndojnë me dialektin e tyre, kurse ju starat e Shqipërisë e keni bezdi me këndu në dialektin e Shqipërisë”, ka shkruar një nga ndjekësit e Gjatës.
Ndërsa, edhe Elvana, kishte një përgjigje për këtë “kritikë”.
“Ndaje mendjen ku e ke hallin, me shqipen a dialektin pjesë e shqipes, apo me Kosovën, d.m.th. me shqipen prapë”, i është përgjigjur Elvana komentuesit.
Ndryshe, viteve të fundit është vënë në trend këndimi i këngëve në dialektin gegë të artistëve nga Shqipëria, duke u mundësuar atyre të jenë më të pranuar nga publiku shqipfolës.
Por, Elvana Gjata nuk është e vetmja që këngët e saj i sjell të kënduara në dialektin e Kosovës, sepse pos saj ka edhe shumë artistë të tjerë, të cilët ndjekin “të njëjtën formulë suksesi”.
Më e njohura për këtë mënyrë këndimi është këngëtarja, Enca, e cila pothuajse të gjitha këngët e saj ndër vite i ka sjellë me dialekt kosovar, ani pse është lindur e rritur në mes të Tiranës.
Artistë të tjerë që po vazhdojnë të ndjekin këtë trend janë edhe Samanta Karavella, Ronela Hajati, Stresi, Melisa Lleshi, Ardit Çuni e shumë të tjerë.
Në anën tjetër, projekti i fundit nga Elvana Gjata është bashkëpunimi i saj internacional me artistët, Inna dhe Sickotoy në këngën “Papa”, e cila aktualisht numëron afro 2 milionë klikime në YouTube.
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Neuchâtel: Një algjerian 29-vjeçar u gjet pa shenja jete, në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut