Mediat hungareze: Shqipëria, mes destinacioneve turistike më të kërkuara

Shqipëria gjendet mes tri destinacioneve turistike më të kërkuara nga pushuesit hungarezë, ndjekur nga Mali i Zi dhe Kroacia

Televizioni dhe Radio Pannon, korrespondenti i mediave jugore të medias publike hungareze, ka publikuar një artikull mbi vendet turistike më të kërkuara nga pushuesit hungarezë.

Sipas ekspertit hungarez të turizmit, vendasit duan të udhëtojnë më shumë drejt atyre shteteve që nuk kërkojnë paraqitjen e një certifikate vaksinimi.

“Pas ndalimeve të vitit të kaluar, njerëzit mezi prisnin të udhëtonin përsëri. Destinacionet më të njohura të këtij viti janë Mali i Zi, Shqipëria dhe Kroacia”, shkruan Pannon RTV, përcjell Albinfo.ch.

Në përgjithësi, sipas ekspertëve, pushuesit u ndanë në dy kampe. Ka nga ata që zgjedhin në mënyrë specifike një destinacion që nuk ka nevojë për certifikatë vaksinimi – të rinjtë që nuk kanë marrë vaksinën e coronavirus-it preferojnë të shkojnë në Shqipëri dhe Mal të Zi. Dhe, grupi tjetër i vaksinuar preferojnë Greqinë dhe Turqinë.

Më tej, Pannon merr shembullin e një pushueseje hungareze, e cila po shkon me pushime së bashku me familjen e saj.

“Çdo vit shkoj në Kroaci nga deti. Gjithashtu sepse deti është shumë i këndshëm. Fëmijët e mi duan të notojnë. Ne kemi shkuar atje për gjashtë vjet në Apati, Opatija dhe rrethinat e saj. Ne e duam bregdetin kroat dhe është shumë e këndshme atje”.

Një tjetër pushuese ravijëzon se Kroacia është destinacioni i pushimeve të saj.

Aleksandar Petrov, një tjetër pushues, shton se “nuk ka asnjë ide se ku do të shkojë këtë vit”.

Në përgjithësi, kjo verë nuk ka qenë aq humbëse sa vitin e kaluar për sa i përket turizmit.

 

---