Maqedonia

412 raste të reja me Covid-19 dhe 15 vdekje në Maqedoninë Veriore

E premte, 1 Tetor 2021 - 20:10 albinfo.ch

KEYSTONE/EPA/GEORGI LICOVSKI

Maqedonia e Veriut sot regjistroi edhe 412 raste të reja me Covid–19, nga 3 379 testimet e bëra. Ministria e Shëndetësisë informoi se gjatë 24 orëve të fundit janë shënuar 15 raste të vdekjes nga Covid–19, ndërsa janë shëruar 395 pacientë.

Në Shkup ndërruan jetë pesë persona (76, 74, 73, 60 dhe 56v), Kumanova (81v), Velesi (85v), Dibra (73v), Dellçeva (59v), Kavadarci (85v), Kriva Pallankë (67v) dhe Tetovë (64v). Në listë u regjistruan edhe tre persona nga Shkupi që ndërruan jetë në periudhën nga 25 deri 28 shtator, mosha e të cilëve ishin prej 64 deri 88 vjeç.

Numri i përgjithshëm i të diagnostikuarve me Covid–19 që nga fillimi i pandemisë ka shkuar në 191 820, numri i pacientëve të shëruar në 173 048, i të vdekurve në 6 683, ndërsa momentalisht ka 12.089 raste aktive. Deri më tani në vend janë bërë gjithsej 1.292.895 testime për Covid – 19.