Austri: Arrestohet personi i parë pas akuzave ndaj ish-kancelarit Kurz

Akuzat e bëra ndaj ish-kancelarit austriak, Sebastian Kurz, rezultuan edhe me arrestimin e personit të parë pas dorëheqjes së tij.

Mediat në Austri raportojnë se një hulumtuese e opinionit publik është njeriu i parë që u arrestua. Ajo dyshohet se ka falsifikuar kërkimet në favor të PVP – Partisë Popullore Austriake.

Sabine Beinschab u arrestua, dhe ajo është një person kryesor në aferat rreth Kurz në lidhje me sondazhet e rreme të opinionit publik. Në hulumtimin e saj, Kurz është portretizuar gjithmonë veçanërisht pozitivisht, ndërsa kundërshtari i tij në luftën për postin e shefit të partisë, Reinhold Mitterleiner, është portretizuar negativisht. Sabine Beinschab është themeluesja e institutit të kërkimit të tregut “Research Affairs”.