Mbi 750 mijë turistë vizituan Sarandën këtë vit

Saranda - Photo- Damian Hadjiyvanov

Duke qenë se muajt e verës kanë kaluar dhe tetori ka hyrë në dhjetëditëshin e dytë, Saranda sërish është një destinacion turistik për vizitorët e huaj.

Vlen të cekët se këtë fundjavë grupi me turistë gjermanë u ndal në Sinagogën dhe Bazilikën paleokristiane (të shek. IV-VI pas Krishtit) që ndodhet në qendër të qytetit të Sarandës.

Sinagoga dhe Bazilika paleokristiane janë ndër atraksionet e preferuara që tërheqin vizitorët e huaj në çdo stinë të vitit, në Sarandë dhe rajonin e saj.

Në këtë zonë përfshihet përveç sitit arkeologjik të famshëm të Butrintit, edhe siti arkeologjik i Sinagogës hebraike dhe Bazilikës paleokristiane, në qedër të qytetit të sotëm; Muzeu Arkelogjik i Kanonisë, Muzeu i Traditës dhe Galeria e arteve figurative “ArtSaranda”.

Sipas të dhënave nga Drejtoria e zhvillimit dhe turizmin në Bashkinë e Sarandës, numri i turistëve që frekuentuan Sarandën gjatë 2021-shit arriti në mbi 750.000 vizitorë.

Në vitin 2019 numri i turistëve që mbërritën në Sarandë (Ksamil dhe Butrint) arriti në mbi 850 mijë.