Kina shtrëngon kufizimet për të parandaluar shpërthim të ri të virusit

Keystone

Në mes të një situatë serioze dhe të ndërlikuar, kryeqyteti kinez po shtrëngon kufizimet e tij shëndetësore, ndërsa po përballet me një rikthim epidemik të COVID-19, 100 ditë nga Lojërat Olimpike Dimërore të Pekinit.

Qyteti perandorak, që organizoi Lojërat Verore më 2008, do të bëhet qyteti i parë në botë, shkurtin e ardhshëm, që do të presë gjithashtu edhe Lojërat Olimpike Dimërore, transmeton Afp, përcjell Albinfo.ch.

Në këtë kontekst, autoritetet, që aplikojnë një politikë të tolerancës zero për rastin më të vogël të COVID-19, kanë ndërmarrë hapa të mëdhenj për të zhdukur një shpërthim epidemik, për momentin shumë të kufizuar, me më pak se 300 raste.

Megjithatë, 14 nga 30 provinca janë prekur nga infeksionet dhe virusi arriti në Pekin dhjetë ditë më parë.

Edhe pse këto shifra mund të duken të parëndësishme në krahasim me ato që regjistrohen çdo ditë në pjesë të tjera të botës, po i shtyjnë autoritetet të dyfishojnë vigjilencën e tyre në prag të Lojërave Olimpike Dimërore, që fillojnë më 4 shkurt.