Mehaj: Garda Kombëtare e Iowa-s dhe FSK-ja, një trup i vetëm

Ministri i Mbrojtjes, Armend Mehaj, në 10-vjetorin e bashkëpunimit mes Gardës Kombëtare të Iowa-s dhe Forcës së Sigurisë së Kosovës, është pritur në Komandën dhe Shtabin e Përgjithshëm të kësaj garde, nga komandanti i saj, gjeneralmajor Ben Corell dhe stafi i tij.

Mehaj ka shkruar në Facebook se me gjeneral Corell u pajtuam që dy forcat tona për një dekadë të veprimit të përbashkët kanë arritur në stadin që të veprojnë si një trup i vetëm.

“Falënderim dhe mirënjohje e përjetshme për gjeneral Corell dhe të gjithë ushtarakët e Gardës Kombëtare për kontributin e madh dhe të pazëvendësueshëm për 10 vjet në ngritjen, zhvillimin dhe avancimin e aftësive dhe kapaciteteve operacionale të FSK-së. Vazhdojmë së bashku drejt sukseseve të reja”, ka shkruar ai.

Postimi i plotë:

Garda Kombëtare e Iowa-s dhe Forca e Sigurisë së Kosovës, tani më janë një trup dhe shpirt i vetëm.

Pritja në Komandën dhe Shtabin e Përgjithshëm të Gardës Kombëtare të Iowa-s, nga komandanti i saj gjeneral major Ben Corell dhe stafi i tij ishte emocion i veçantë.

Me gjeneral Corell u pajtuam që dy forcat tona për një dekadë të veprimit të përbashkët kanë arritur në stadin që të veprojnë si një trup i vetëm.

Me këtë rast para seminarit të përbashkët mes dy delegacioneve ushtarake, gjeneral Corell me njoftoi me disa kapacitete të aviacionit të tyre.

Falënderim dhe mirënjohje e përjetshme për gjeneral Corell dhe të gjithë ushtarakët e Gardës Kombëtare për kontributin e madh dhe të pazëvendësueshëm për 10 vjet, në ngritjen, zhvillimin dhe avancimin e aftësive dhe kapaciteteve operacionale të FSK-së.

Vazhdojmë së bashku drejt sukseseve të reja!