Kosova

Votat e diasporës ndryshojnë rezultatin, Dragashin e fiton LDK-ja

E martë, 16 Nëntor 2021 - 20:22 albinfo.ch

Komisioni Qendror i Zgjedhjeve ka përfunduar procesin e numërimit të votave të ardhura me postë.

Rezultati ka ndryshuar në komunën e Dragashit, ku pas numërimit të votave të diasporës, në këtë komunë fitues ka dalë LDK-ja duke e lënë prapa PDK- në e cila pa votat e diasporës ishte e para në Dragash, shkruan Albinfo.ch.

Lajmin se e kanë fituar Dragashin e kanë publikuar zyrtarë të LDK-së.

“Lidhja jonë e para në nivel vendi. E përmbyllëm këtë cikël zgjedhjesh me fitore në Dragashin e bukur e t’bardhë!”, ka shkruar Doruntinë Maloku nga LDK.

Ndërkohë KQZ ka konfirmuar përfundimin e numërimit të votave.

“Ju njoftoj se rreth orës 20:00 ka përfunduar numërimi i votave të ardhura me postë”, ka deklaruar zëdhënësi i KQZ-së Valmir Elezi.

 Të tjera nga Kosova

Kurti paralajmëron kabinet të ri qeveritar, priten emra të rinj në “Kurti 3”

 E-Diaspora

 Jeta në Zvicër