Gërvalla ngushëllon autoritetet në Maqedoni për viktimat e aksidentit tragjik në Bullgari

Kryediplomatja e Kosovës, Donika Gërvalla, përmes një telegrami ngushëllimi drejtuar homologut të saj nga Maqedonia Veriore, Bujar Osmani, ka shprehur dhembjen për humbjen e jetëve të dhjetëra qytetarëve në aksidentin tragjik në Bullgari.

“Me trishtim të thellë mora lajmin për aksidentin tragjik në Bullgari, ku në mëngjesin e sotëm humbën jetën 46 persona nga Maqedonia e Veriut.
Dua gjithashtu të theksoj gatishmërinë e Qeverisë së Republikës së Kosovës për të qenë pranë dhe për të ndihmuar në çdo gjë që është e nevojshme për qytetarët dhe institucionet e Maqedonisë së Veriut në këtë moment të kobshëm. Sot të gjithë ne bashkëndiejmë me ju dhe lutemi që të lënduarit të shërohen sa më parë”, thuhet në telegram.