Shkurt.ch
Punëtorët nga Kroacia, përfundimisht të barabartë në tregun zviceran të punës
Me vendimin më të ri, punëtorët kroatë trajtohen përfundimisht në baza të barabarta me shtetasit e vendeve të tjera anëtare të BE/EFTA
Siç ishte komunikuar tashmë në fund të tetorit, punëtorët kroatë do të gëzojnë lirinë e plotë të lëvizjes e të punës në Zvicër, duke filluar nga 1 janari 2022.
Në mbledhjen e mbajtur më 3 dhjetor, Këshilli Federal miratoi rishikimin e pjesshëm përkatës të rregullores për lëvizjen e lirë të personave, e cila mundëson futjen e lirisë së plotë të lëvizjes për Kroacinë, transmeton albinfo.ch komunikatën e publikuar nga autoritetet federale zvicerane.
Protokolli III i Marrëveshjes për Lëvizjen e Lirë të Personave (FZA) me Bashkimin Evropian parashikon hapjen graduale të qasjes për punëtorët dhe ofruesit e shërbimeve nga Kroacia në tregun zviceran të punës.
Këshilli Federal kishte shfrytëzuar deri tani opsionin e parashikuar në protokoll, që nga hyrja në fuqi e tij më 1 janar 2017, për të mbajtur kufizime si numri maksimal i lejeve ose ekzaminimi paraprak i pagave dhe kushteve të punës për qytetarët kroatë.
Në mbledhjen e tij më 1 tetor 2021, Këshilli Federal vendosi të fusë në fuqi lirinë e pakufizuar të lëvizjes për Kroacinë, me fillim nga 1 janari 2022.
Bashkimi Evropian u informua për këtë vendim të Zvicrës në takimin e Komitetit të Përbashkët Zvicër-BE, të mbajtur më 22 tetor 2021, transmeton albinfo.ch. Kështu, punëtorët kroatë trajtohen në baza të barabarta me shtetasit e vendeve të tjera anëtare të BE/EFTA.
Në mbledhjen e 3 dhjetorit 2021, Këshilli Federal miratoi ndryshimet e nevojshme në urdhëresën përkatëse.
Por, edhe me këtë ndryshim, Zvicra rezervon mundësinë e ndërhyrjes. Kështu, nëse imigrimi i punëtorëve kroatë tejkalon një numër të caktuar, Zvicra mund të përdorë një klauzolë mbrojtëse dhe të kufizojë përsëri numrin e lejeve të punës për këta persona nga 1 janari 2023 dhe më së largu deri në fund të vitit 2026.
Për të shmangur ndonjë paqartësi eventuale, duhet të theksojmë se e drejta për qasje në tregun zviceran të punës u takon vetëm shtetasve të Kroacisë dhe jo të huajve që jetojnë dhe punojnë në Kroaci por nuk e kanë pasaportën kroate.
Të ngjashme
Të tjera nga Shkurt.ch
E-Diaspora
-
RTS: “Toka Brenda Meje” e Fisnik Maxville-it trajton traumën e Kosovës Filmi i parë artistik i Fisnik Maxville, “The Land Within”, tregon historinë e një kosovari të...
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
Jeta në Zvicër
-
RTS: “Toka Brenda Meje” e Fisnik Maxville-it trajton traumën e Kosovës Filmi i parë artistik i Fisnik Maxville, “The Land Within”, tregon historinë e një kosovari të...
-
122 politikanë, viktima të spiunazhit kinez, përfshirë zviceranët
-
Dritat veriore mbi qiellin zviceran
-
19-vjeçarja zvicerane bën një zbulim spektakular, nderohet me çmim special
-
Ja sa janë rritur fitimet e shefave të sigurimeve shëndetësore në Zvicër