Irlanda në emër të ‘Brexit’ përfiton 920 milionë euro nga BE-ja

Ilustrim

Republika e Irlandës pritet të përfitojë 920 milionë euro nga një fond i posaçëm i Komisionit Europian, i cili është përcaktuar për të “zbutur impaktin e Brexit”.

Rezerva e Rregullimit të Brexit është e disponueshme për të gjitha shtetet anëtare të Bashkimit Evropian, ndërkohë që ka një përqendrim të fortë tek ata që janë më të prekur.

Komisioni shprehet se Irlanda është përfituesja më e madhe dhe vendi i parë që përfiton nga ky fond, i cili arrin në 5.4 miliardë euro, transmeton A2, përcjell Albinfo.ch.

Qeveria irlandeze pritet ta marrë këstin e parë prej 361 milionë eurosh më 2021, 276 milionë më 2022 dhe 282 milionë euro më 2023.

Sipas komisioneres Elisa Ferreira, Brexit shkaktoi një impakt negativ në jetën e shumë njerëzve dhe qytetarët e Irlandës ishin ata që e ndjenë më shumë.

“Fondi që Irlanda do të përfitojë, do të kontribuojë në përmirësimin e standardeve të jetesës, do të suportojë ekonominë vendase dhe do të zbusë impaktet negative në komunitetet lokale”, shtoi Ferreira.