Lajme
OBSH parashikon se 10% e europianëve do të infektohen nga COVID këtë javë
Zyra rajonale e Organizatës Botërore të Shëndetësisë për Evropën paralajmëroi se 10% e njerëzve në rajonin evropian, që përfshin pjesë të Azisë Qendrore, do të rezultojnë të infektuar me COVID-19 deri në fund të javës.
Rastet dhe vdekjet janë rritur në gjithë rajonin, me vdekjet ditore duke u dyfishuar që nga fundi i shtatorit, tha OBSH.
Edhe pse 66.4% e njerëzve në vendet e Bashkimit Evropian janë plotësisht të vaksinuar kundër virusit, shumë qeveri kanë vendosur masa të reja për njerëzit që janë të pavaksinuar në një përpjekje për të inkurajuar më shumë njerëz që të marrin vaksinën kundër COVID-19.
Në Itali, pasaporta e vaksinimit, që vërteton vaksinimin ose shërimin, nevojitet për të hyrë në kinema dhe në ambiente të mbyllura për të ngrënë.
Ndërsa në Gjermani, të pavaksinuarit janë të kufizuar nga pjesa më e madhe e jetës publike.
Austria do ta bëjë me detyrim vaksinimin nga 1 shkurti, në mënyrë që të inkurajojë më shumë njerëz të marrin vaksinën.
Por, Dr. Hans Kluge, drejtor rajonal i OBSH-së për Evropën, tha se vaksinimi i detyrueshëm duhet të jetë “zgjidhja e fundit”.
Infektimet te fëmijët:
OBSH tha se rastet më të larta janë parë te fëmijët e moshës 5 deri në 14 vjeç, të cilët pavarësisht se kanë forma më pak të rënda të virusit, mund ta përhapin atë te të rriturit.
“Nuk është e pazakontë sot të shohim një incidencë 2 deri në 3 herë më të lartë tek fëmijët e vegjël sesa në popullatën mesatare. Rreziqet shëndetësore shtrihen përtej vetë fëmijëve”, tha Dr. Kluge.
Kluge tha se “vaksinimi i fëmijëve duhet të diskutohet dhe të konsiderohet në nivel kombëtar, si pjesë e masës së mbrojtjes”.
Varianti Omicron
Varianti pritet të jetë më i transmetueshëm dhe tashmë po nxit një rritje të rasteve në Afrikën e Jugut.
Tashmë ka më shumë se 400 raste të konfirmuara të variantit në vendet e rajonit evropian, tha OBSH.
Por Dr. Kluge theksoi se vendet duhet të përqendrohen në kufizimin e transmetimit të variantit Delta, i cili është dominues në gjithë rajonin.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Zvicra vendosi të ndajë të dhënat e pasagjerëve të fluturimit me policinë Pa planin e propozuar, Zvicra do të përballej me disavantazhe ekonomike...
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?
-
Kaos në tunelin Gotthard: Shoferët sulmojnë aktivistët e klimës (VIDEO)