Tematike
Kishte therur një të moshuar – shqiptari çohet në psikiatri, por nuk dëbohet nga Zvicra
Ndryshe nga gjykata e rajonit, gjykata e lartë vendosi që shqiptari të mos largohet nga Zvicra pas mbarimit të masës spitalore
Personi që kishte goditur me thikë një person dhe kishte kërcënuar disa të tjerë, para Migros-it në Biel/Bienne duhet të shkojë në psikiatri. Gjykata e Lartë (Kantonale) e Bernës ka mbështetur sot vendimin e Gjykatës Regjionale. Por ai, një shqiptar sot 55-vjeçar, lejohet të qëndrojë në Zvicër.
Rreth dy vjet më parë, atëherë 53-vjeçari kishte trembur njerëzit në qendër të qytetit Biel/Bienne: ai kishte goditur me thikë një të moshuar pranë filialës së Migros-it në Kreuzplatz. I goditur mezi kishte mbijetuar, transmeton albinfo.ch.
Dorasi qe arratisur por duke vazhduar të tundte thikën e përgjakur dhe të trembte kalimtarët – derisa policia e ndaloi.
Gjykata rajonale Bernë-Jura-Seeland e pati shpallur atë të papërgjegjshëm penalisht në fillim të prillit dhe pati urdhëriar një masë kujdesjeje stacionare, shkruan bieletragblatt.ch.
Ky vendim u la në fuqi sot nga gjykata më e lartë, përcjell albinfo.ch. Autori ndodhet në paraburgim në burgun e Thunit që prej vitit 2019.
Por, me vendimin e ri, i dënuari duhet ta bëjë terapinë në një klinikë psikiatrike. Nga ana tjetër, ndryshe nga gjykata e rajonit, gjykata e lartë vendosi që shqiptari të mos largohet nga Zvicra pas mbarimit të masës spitalore. Gjykata Rajonale, më parë kishte vendosur dëbimin e tij nga Zvicra për dhjetë vjet, përcjell albinfo.ch. Por kjo masë tani është hequr nga gjykata e lartë.
Të ngjashme
Të tjera nga Tematike
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Zvicra vendosi të ndajë të dhënat e pasagjerëve të fluturimit me policinë Pa planin e propozuar, Zvicra do të përballej me disavantazhe ekonomike...
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?
-
Kaos në tunelin Gotthard: Shoferët sulmojnë aktivistët e klimës (VIDEO)