Kinema
Dy yjet e kinematografisë botërore bëhen producente ekzekutive të filmit “Zgjoi”
Dy yjet e kinematografisë botërore, Elisabeth Moss dhe Lindsey McManus bëhen producente ekzekutive të filmit “Zgjoi”
Bëhet e ditur se Elisabeth Moss dhe Lindsey McManus janë bërë pjesë e filmit “Zgjoi” të regjisores nga Kosova, Blerta Basholli, si producente ekzekutive, përcjell albinfo.ch.
Partneret e “Love & Squalor Pictures” do të udhëheqin kampanjën për hyrjen e filmit “Zgjoi” në ndarjen e çmimeve “Oscar”, për filmin më të mirë të huaj, shkruan Deadline.
“Zgjoi” tregon historinë e vërtetë të Fahrijes (Yllka Gashit), e cila, si shumë nga gratë e tjera në fshatin e saj patriarkal, ka jetuar me shpresë të zbehur dhe pikëllim në rritje që kur burri i saj u zhduk gjatë luftës në Kosovë në fund të viteve 1990. Për të siguruar familjen e saj në vështirësi, ajo mbledh të vejat e tjera në komunitetin e saj për të nisur një biznes që shet ajvar, një produkt ushqimor vendas, dhe së bashku ato gjejnë shërim dhe ngushëllim duke menduar për një të ardhme pa burrat e tyre.
Kur filmi debutoi në konkurrencë këtë vit në Sundance, ai u bë i pari në historinë e festivalit që fitoi të tri çmimet kryesore – përfshirë çmimin e madh të jurisë, çmimin e audiencës dhe çmimin e regjisë – në konkursin botëror të kinemasë dramatike.
Yll Uka, Valon Bajgora dhe Agon Uka prodhuan dramën e xhiruar nga Alex Bloom, me Britta Rindelaub, Tomi Salkovski dhe Paskal Semini bashkëproducente. Moss dhe McManus i bashkohen Yll Ukës, Agon Ukës dhe Valon Bajgorës si producentë ekzekutivë.
“Zgjoi është një histori e paharrueshme, elokuente prekëse për vullnetin e mbijetesës dhe fuqizimit përmes një vizioni të patundur”, thanë Moss dhe McManus në një deklaratë të përbashkët.
“Portretizimi intim i luftës së një gruaje drejt pavarësisë në film na shtyn të kuptojmë mundësinë e ndryshimit dhe tregimi i fuqishëm i Blertës kap me mjeshtëri vetëvendosjen e individëve në gjithë botën për të kapërcyer shtypjen”, thanë tutje ato.
Ndërsa, regjisorja e filmit u shpreh se gjithmonë e ka admiruar punën e tyre dhe se ndihet e nderuar që ato do jenë partnere në këtë film.
“Unë e kam admiruar prej kohësh punën e Elisabeth Moss dhe jam e nderuar që ajo dhe Lindsey McManus na janë bashkuar si partnerë në projektin tonë. Nuk mund të jem më krenar apo më e emocionuar”, ka thënë Basholli.
“Në themel të Zgjoi, Fahrije Hoti ishte në gjendje të kapërcejë vështirësitë dhe të ndërtojë biznesin e saj për shkak të mbështetjes së grave në komunitetin e saj. Të kem mbështetjen e Elisabeth Moss dhe Lindsey McManus si partnerë në ndarjen e historisë së Fahrijes, më lumturon pafund. Zgjoi ka të bëjë me dhënien e shpresës, dhe rrugëtimit të këtij filmi sapo i është dhënë edhe më shumë shpresë me këto gra të mrekullueshme që i bashkohen ekipit tonë”, u shpreh tutje Basholli.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
AAK – dega në Zvicër zgjedh strukturat drejtuese Kryetari i Aleancës për Ardhmërinë e Kosovës, Ramush Haradinaj, ka njoftuar se dega në Zvicër e...
-
Incidentet raciste në Zvicër – në rritje, veçanërisht në shkolla
-
Si mund të ndikojnë tek ju dy referendumet vendimtare të sigurimeve shëndetësore në Zvicër?
-
Bujtinat e të rinjve në Zvicër kanë shënuar rekord netqëndrimi në vitin 2023
-
Zvicër: Gjobiten rëndë dy shoferë, pasi postuan videot në rrjetet sociale