79 afganë u larguan nga Kosova drejt Amerikës

Ministria e Punëve të Brendshme e Kosovës ka bërë të ditur se sot i kanë përcjellë për në Shtetet e Bashkuara të Amerikës edhe 79 afganë të tjerë.

Në njoftimin e MPB-së thuhet se ata janë duke punuar me Ambasadën e Shteteve të Bashkuara të Amerikës në Kosovë, për t’u siguruar që mysafirët afganë në kampin Liya të kalojnë sa më mirë.

“Ne po punojmë me partnerin tonë @USEmbPristina, për t’u siguruar që mysafirët tanë në Camp Liya të kalojnë sa më mirë, derisa janë në vendin tonë dhe të jenë në gjendje të fillojnë jetën e tyre të re sa më shpejt të jetë e mundur në Amerikë”.

“Mirupafshim dhe ju dëshirojmë gjithë të mirat, duke shpresuar të dëgjojmë përsëri nga ju!”, thuhet në njoftim.