Bota
Sa % do të shtrenjtohet energjia elektrike dhe gazi në Gjermani
Gjermania është goditur nga kriza e energjisë që prej vitit të kaluar
Rreth 4.2 milionë familje gjermane pritet të shohin një rritje të faturave të energjisë elektrike me 63.7% mesatarisht këtë vit dhe 3.6 milionë pritet të paguajnë fatura 62.3% më të larta të gazit, ndërkohë që furnitorët kalojnë normat rekord me shumicë.
Ashtu si shumë vende në botë, Gjermania është goditur nga kriza e energjisë që prej vitit të kaluar, kur heqja e kufizimeve të Covid-19 nxiti kërkesë gjigante tek inventarët e shteruar të gazit natyror, duke çuar çmimet në qiell.
Kontratat në ekonominë më të madhe të Evropës zakonisht rinovohen në mënyrë vjetore, çka mund të vonojë ndikimin e rritjes së çmimeve për pjesën më të madhe të 41.5 milionë familjeve, por portali i analitikës Check24 thekson se tendenca është përfshirë plotësisht tek sektori me pakicë, shkruan Scan, transmeton albinfo.ch.
“Çmimet e energjisë janë veçanërisht të larta për shkak të kostove më të larta të prokurimeve për operatorët e stacioneve të energjisë së qymyrit dhe gazit, rënieve të lidhura me motin tek prodhimi i energjisë së rinovueshme dhe kërkesës së madhe nga industria”- deklaroi drejtori energjitik i Check24, Steffen Suttner.
Portali theksoi gjithashtu se ata që kanë nevojë për furintorë të rinj për shkak të paaftësive paguese nga kompanitë, prej të cilëve kanë qenë vetëm pak, u përballën kryesisht me çmime tejet të larta.
Ndërkohë që kosto vjetore shtesë nga rritja me 63.7% e çmimit të energjisë për një familje tipike arrin në 1,045 euro, rritja për ata që nënshkruajnë kontrata të reja shkon në 105.8%, duke shtuar 1,735 euro tek fatura.
Në mënyrë për të zbutur barrën tek ekonomitë me të ardhura të ulëta, koalicioni i ri qeveritar ka vendosur të heqë një tarifë shtesë të kushtueshme për të mbështetur energjinë e rinovueshme (Tarifa EEG), që përbën aktualisht një kosto mesatare vjetore prej 222 euro.
Tarifa u ul me 43% me bazë vjetore më 1 Janar 2022 dhe do të hiqet tërësisht më 1 Janar 2023. Konsumatorët e gazit duhet t’i bëjnë ballë një kostoje mesatare vjetore shtesë prej 945 euro këtë vit, dhe ata që nënshkruajnë kontrata të reja do të paguajnë 174.3% më shumë, që përkthehet në një kosto shtesë prej 2,685 euro.
E-Diaspora
-
Prokuroria kërkon 18 vjet burgim për autorin e vrasjes së Shqiponja Isufit Shqiptari 49-vjeçar nga Maqedonia, me shtetësi zvicerane, akuzohet se ka vrarë gruan e tij në shtator...
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Nesër është dita e fundit e regjistrimit të diasporës
-
Romë
Një kompani e drejtuar nga shqiptari, shpallet kompania më e suksesshme në Itali
Jeta në Zvicër
-
A mund të mbulohen së shpejti syzet dhe lentet e kontaktit nga sigurimi shëndetësor zviceran? Sistemi shëndetësor zviceran renditet ndër më të mirët në botë, por disa gjëra thelbësore, si syzet,...
-
Po bëhet presion që Eurovizioni të organizohet në Gjenevë
-
Kompania kosovare që mobiloi resorte botërore
-
Rruga Gotthard Pass mbetet e mbyllur gjatë “Pentecost”
-
Sulmi në Zofingen: Hetim penal ndaj 43-vjeçarit spanjoll