Kosova

Kosovë: Kuvendi mban sot seancë të jashtëzakonshme

Sot mbahet seancë e jashtëzakonshme në Kuvend për pandeminë

E enjte, 27 Janar 2022 - 9:00 albinfo.ch

Theksohet se pikë e rendit të ditës do të jetë debati parlamentar për gjendjen e pandemisë me COVID-19 në Kosovë.

Seanca e jashtëzakonshme pritet të fillojë në orën 11:00.

Situata e rënduar pandemike në vend ka qenë shkak edhe që ministri i Shëndetësisë, Rifat Latifi, ka raportuar të mërkurën para deputetëve të Komisionit për Shëndetësi dhe Mirëqenie Sociale.

Gjatë raportimit, Latifi nuk përjashtoi mundësinë e rishikimit të masave anti-COVID.

Numri i të infektuarve me COVID-19 javëve të fundit ka shënuar rritje, duke shënuar shifra rekorde. Vetëm të mërkurën janë konfirmuar 4 mijë e 397 raste të reja me COVID-19. Në Kosovë janë 25 mijë e 458 raste aktive.

 Të tjera nga Kosova

Himalajet “flasin” shqip, Uta Ibrahimi pushton ekranet botërore si imazh i BLACKYAK

 E-Diaspora

 Jeta në Zvicër