Edhe Gjermania u kërkon zyrtarisht gjermanëve që të largohen nga Ukraina

Keystone - @acalmelor

Gjermanët që jetojnë dhe punojnë në Ukrainë duhet të fillojnë ta shqyrtojnë mundësinë e largimit nga ky shtet, përcjell albinfo.ch.

Kështu ka thënë Ministria e Punëve të Jashtme e Gjermanisë, ku ka lëshuar një paralajmërim për udhëtimin në Ukrainë.

”Gjermanët që qëndrojnë atje u kërkohet të shqyrtojnë largimin nga vendi”, thuhet në njoftim.

Gjermani do të vazhdojë ta mbajë të hapur ambasaden e saj në Kiev, mirëpo me reduktim të stafit diplomatik.

”Konsullata jonë e Përgjithshme në Donetsk, me qendër në Dnipro që nga viti 2014, do të zhvendoset përkohësisht në Lviv”, thuhet në njoftim.

Ndërkaq, edhe Ministria për Evropën dhe Punët e Jashtme e Shqipërisë u ka bërë thirrje shtetasve shqiptarë që të largohen nga Ukraina sa më parë.

Ehe SHBA-ja ka bërë me dije se pritet të evakuojnë ambasadën e tyre në Kiev, pasi zyrtarët e inteligjencës perëndimore paralajmërojnë se një pushtim i Ukrainës nga Rusia është gjithnjë e më i afërt.