Lehtësohen masat kufizuese në Francë dhe Holandë

(KEYSTONE/Michael Buholzer

Nga 28 shkurti në Francë do të hiqet detyrimi për të mbajtur maskë në hapësirat publike. Maska do të mbetet e detyrueshme në transport publik e dyqane.

Pas gati dy vjetësh, më 25 shkurt baret, restorantet dhe klubet në Holandë u kthehen orareve dhe kapaciteteve normale të parapandemisë.

Maskat nuk do të kërkohen në shumicën e vendeve, por do të mbeten të detyrueshme në transportin publik dhe në aeroporte. Karantina për ata me COVID-19 do të shkurtohet në pesë ditë.

Fëmijëve nga pesë deri në 11 vjeç në Angli do t’u ofrohet një vaksinë kundër COVID. Masa u rekomandua nga Komiteti i Përbashkët për Vaksinimin dhe Imunizimin (JCVI), i cili vendosi që programi i vaksinimit të shtrihet te fëmijët më të vegjël pas diskutimeve të gjata mbi përfitimet dhe rreziqet.