Lajme

Ukrainë, raportohet për 70 ushtarë të vdekur

Sulmi me raketa shkatërroi bazën ushtarake të Okhtyrkës, Ukrainë

E martë, 1 Mars 2022 - 9:20 albinfo.ch
Simon Infanger

Më shumë imazhe të masakrës në bazën ushtarake Okhtyrka po shfaqen, ku një raketë ruse vrau të paktën 70 ushtarë ukrainas të dielën, përcjell albinfo.ch.

Imazhet më poshtë thuhet se janë shpërndarë nga zyrtari lokal në rajonin e Sumy, Dmytro Zhyvytskyi.

Ekipet e shpëtimit kërkojnë të mbijetuar mes rrënojave.

Ato tregojnë përpjekjet e shpëtimtarëve për të nxjerrë të mbijetuarit nga rrënojat që po digjeshin.

Ndërkohë derisa Ukraina ka hyrë në ditën e gjashtë të agresionit rus, mësohet se gjatë natës është nisur një sulm në qytetin jugor Kherson.

Zyrtarët ukrainas e përshkruan sulmin si një “breshëri” të bombardimeve të armikut

Dëshmitarët okularë vunë në dukje se trupat ruse po përparojnë “nga aeroporti në autostradën Nikolaev dhe një unazë pranë fabrikës së magazinimit të ftohtë”, shkruan Sky News.

Ndërkohë, BBC raporton se shpërthime “të fuqishme” janë dëgjuar pranë aeroportit të Kherson.

 Të tjera nga Lajme

Shërbimet hekurudhore në Lucern janë të kufizuara ndjeshëm për shkak të një linje të dëmtuar

 E-Diaspora

 Jeta në Zvicër