A do të ftohet presidenti ukrainas, Volodymyr Zelensky, të flasë në Parlamentin austriak?

facebook

Presidenti federal i Austrisë, Alexander Van der Bellen, ka thënë se e konsideron dhënien e një ftese për presidentin ukrainas, Volodymyr Zelensky, për të folur në Austri në përputhje me neutralitetin e vendit, njofton albinfo.ch.

Më parë, partitë opozitare të Austrisë FPÖ dhe SPÖ ishin kundër ftesës së Presidentit ukrainas për të folur.

Megjithatë, politikani i SPÖ, Jörg Leichtfried, tha të mërkurën se partia nuk do të pengojë ftesën. Sipas rregullores së punës së Këshillit Kombëtar të Austrisë, Zelensky mund të ftohet vetëm me marrëveshjen e të gjitha partive politike.