BE-ja, kontrolle dhe gjoba drejt gjigantëve të teknologjisë

Bashkimi Evropian shënoi një gur kilometrik të shtunën, duke miratuar ligjin kundër fjalimeve të urrejtjes, dezinfomimit dhe materialeve të tjera të dëmshme që publikohen online.

Ligji do të detyrojë kompanitë e mëdha të teknologjisë të kryejnë kontrolle më të rrepta, ta bëjnë më të lehtë për përdoruesit sinjalizimin e problemeve dhe do t’u japë enteve rregullatorë kompetenca për të ndëshkuar subjektet me gjoba të majme.

Zyrtarët e BE-së ranë dakord në parim për marrëveshjen në orët e para të mëngjesit të së shtunës, pas një debati që zgjati 16 orë.