OKB: Më shumë se 8 milionë refugjatë pritet të largohen nga Ukraina

Agjencia e OKB-së për refugjatët ka deklaruar se rreth 8.3 milionë ukrainas pritet të largohen nga Ukraina këtë vit për shkak të luftës me Rusinë.

Më parë, ishte parashikuar se 4 milionë ukrainas mund të largoheshin nga vendi, por ky parashikim tashmë është tejkaluar.

Që nga fillimi i luftës më 24 shkurt, më shumë se pesë milionë njerëz janë larguar sipas OKB-së, teksa 7.7 milionë të tjerë janë zhvendosur brenda vendit.

Sekretari i Përgjithshëm i Kombeve të Bashkuara, Antonio Guterres, do të takohet sot në Moskë me presidentin rus, Vladimir Putin.

Shumë analistë besojnë se bisedimet në Moskë do të jenë mjaft të vështira dhe thonë se ka pak shpresë për ndonjë rezultat./BBC