Austria vazhdon të blejë gaz nga Rusia

Austria është një nga vendet më të varura në BE nga furnizimet me gaz rus.

Ministrja e Energjisë e Austrisë, Leonore Gewessler (të Gjelbërit), ka deklaruar se gazi natyror është ende duke u furnizuar në Austri nga Rusia, pasi Rusia ndërpreu furnizimin me gaz për Poloninë dhe Bullgarinë, njofton albinfo.at.

Duke folur për programin e ditarit të mëngjesit Ö1, ajo tha se rrugët kryesore të furnizimit po funksiononin “pa kufizime” dhe tha se nuk kishte shenja që Rusia planifikonte të ndalonte gazin për Austrinë.

Austria përdor rrugë të ndryshme furnizimi (përmes Nord Stream dhe Ukrainës) për në Bullgari dhe Poloni, e cila përdor gazsjellësin Yamal, tha ajo.

Megjithatë, ajo paralajmëroi gjithashtu se Austria duhet t’i japë fund varësisë së saj nga gazi rus sa më shpejt që të jetë e mundur. “Vladimir Putin gjithashtu bën luftë me furnizimet me energji”, tha ajo.

Austria është një nga vendet më të varura në BE nga furnizimet me gazin rus.

---