Kërcënon përmes videos me vrasje masive: arrestohet 21-vjeçari

Hetimi i policisë ka çuar te i riu 21 vjeçar zviceran i cili tani po mbahet në paraburgim

Një zviceran 21-vjeçar nga kantoni Thurgau ka shpërndarë të hënën një video, në të cilën kërcënonte me vrasje masive, transmeton albinfo.ch. Policia ndërkohë ka arritur ta identifikonte dhe ta arrestonte personin në fjalë.

Policia e kantonit Thurgau ka arrestuar 21-vjeçarin nga kantoni Thurgau të martën në mbrëmje, pasi ai më parë kishte kërcënuar me vrasje masive në një video-mesazh, thuhet nbë deklaratën e policisë, shkruan polizeinews.ch.

Personi i panjohur fillimisht ka përhapur kërcënimin në rrjetet sociale. Hetimi i policisë ka çuar te i riu zviceran, i cili tani është në paraburgim. Hetimet nga policia kantonale e Thurgaut nuk kanë përfunduar ende.

Prokuroria publike ka hapur një hetim penal.

---