Lajme
Dy ambasadorët shqiptarë në Austri, takohen me kryetarin e Bashkisë së qytetit Linz
Bashkëpunim i frutshëm në nivelin e pushtetit lokal.
Bëhet e ditur se ambasadori Roland Bimo, së bashku me kolegun dhe mikun e vlerësuar, Ambasadorin e Kosovës, z. Lulzim Pllana, kryen një vizitë pune me Kryetarin e Bashkisë të qytetit Linz, z. Klaus Luger, përcjell albinfo.at.
Së bashku, si Kosova dhe Shqipëria i shprehin z. Klaus Luger falënderime e mirënjohje për mikpritjen, por më shumë akoma për atmosferën akomoduese, miqësore e mikpritëse për shumë prej bashkatdhetarëve tanë që kanë gjetur shtëpinë dhe atdheun e tyre të dytë në Austrinë e Sipërme.
Ambasadori Pllana shprehu kënaqësinë e veçantë për stadin aktual të bashkëpunimit ndërmjet Bashkisë së Qyteti Linz dhe komunave e qyteteve në Kosovë dhe vullnetin e tij dhe të autoriteteve në Kosovë për të punuar me përkushtim për thellimin e këtij bashkëpunimi në të ardhmen. Ai shprehu besimin se avancimi i dukshëm i Kosovës në fushën e digjitalizimit do të gjejë partneritet me Qytetin e Linzit.
Ambasadori Roland Bimo u angazhua për të nxitur fillimin e bashkëpunimit ndërmjet Bashkive të disa qyteteve në Shqipëri me Qytetin e Linz-it, ku interesi është i dukshëm.
Kryebashkiaku, z. Klaus Luger u shpreh i gatshëm për çdo formë bashkëpunimi që preferohet nga Shqipëria, si përmes Memorandumeve të Mirëkuptimit, Protokolleve të Bashkëpunimit, ashtu edhe projekteve konkrete të bashkëpunimit me qytetet shqiptare në fushat me interes reciprok.
I pranishëm në takim ishte aktivisti i dalluar i Diasporës shqiptare, z. Adnan Abdullahu, këshilltar në Bashkinë e Qytetit Linz për çështjet e integrimit.
Të tjera nga Lajme
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Zvicra vendosi të ndajë të dhënat e pasagjerëve të fluturimit me policinë Pa planin e propozuar, Zvicra do të përballej me disavantazhe ekonomike...
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?
-
Kaos në tunelin Gotthard: Shoferët sulmojnë aktivistët e klimës (VIDEO)