Ambasada Amerikane: Kosova po demonstron lidership global në luftën kundër terrorizmit

Ambasada amerikane, përmes një postimi në Facebook ka lavdëruar shtetin e Kosovës për punën që, sipas tyre, po bën në riatdhesimin e qytetarëve nga zonat e konfliktit në Siri.

“Riatdhesimi i sotëm i qytetarëve kosovarë nga zonat e konfliktit në Siri, grupi i tretë në 4 vjetët e fundit, përbën shembull për të tjerët, që duhet ndjekur. Kosova vazhdon të ndjejë përgjegjësinë për qytetarët e saj, duke demonstruar lidership global në luftën kundër terrorizmit dhe ekstremizmit”, thuhet në postimin e Ambasadës Amerikane në Prishtinë.