Kosova
Hoteli dikur ikonë e Prishtinës, tani adresë e vizitorëve vendas e të huaj
"Manifesta, Bienalja Evropiane Nomade”, hapi zyrtarisht dyert në Prishtinë më 22 korrik dhe për 100 ditë rresht pret 103 pjesëmarrës nga 32 vende të botës.
Hip në ashensor në katin përdhes dhe shkon në katin e nëntë të Hotelit Grand në qendër të Prishtinës. Prej atje pastaj duke ndjekur shkallët në çdo kat mund të vizitosh vepra të ndryshme arti që artistë nga mbarë bota kanë sjellë në njërin ndër aktivitetet më të mëdha kulturore në Evropë, raporton Albinfo.ch.
“Manifesta, Bienalja Evropiane Nomade” hapi zyrtarisht dyert në Prishtinë më 22 korrik dhe për 100 ditë rresht pret 103 pjesëmarrës nga 32 vende të botës.
Hoteli i famshëm i Prishtinës ku dikur kishin fjetur personalitete të larta, po mbledh vizitorë vendas e të huaj.
Sipas njërit prej të rinjve që ishte angazhuar për t’i orientuar vizitorët, këtë pikë të Manifestës brenda ditës e vizitojnë qindra vizitorë, ndërsa një numër mjaft i madh i tyre janë të huaj.
Në Hotelin Grand është edhe bari ku vizitorët mund të freskohen me pije, ndërsa nëpër kate të ndryshme mund të shohin se si janë dukur dhomat e këtij hoteli, i cili për shkak të procesit të privatizimit ka mbetur jashtë funksionit si hotel.
Vepra të ndryshme të artit alternativ, filma të ndryshëm nëpër kinematë e improvizuara, piktura, tinguj si nga galaktika, madje edhe panair me turshitë e grave të Krushës mund t’i gjesh nëpër katet e Grandit, që është pika kryesore e Manifestas. Mbi të gjitha, nga aty ofrohen edhe pamje të bukura të Prishtinës nga kënde të ndryshme, të cilat nuk është çdoherë e mundur të shihen.
Edhe në pikat tjera nëpër Prishtinë janë të ekspozuara vepra të artistëve nga 32 vende të ndryshme të botës, ndërsa vizitorët e shumtë janë ata që u japin gjallëri veprave që thonë shumë me heshtjen e tyre.
Manifesta 14 Prishtina, përmbyllet më 30 tetor./Albinfo.ch/
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse