Lajme
Mërgimtarët po përballen me pritje të gjata edhe në kufirin Serbi – Hungari
Aktualisht pritjet në kufirin Serbi – Hungari janë deri në tri kilometra
Pritjet e gjata për bashkatdhetarët tanë pothuajse në të gjitha pikat kufitare tashmë janë shndërruar në traditë. Kjo, jo vetëm kur ata shkojnë për pushime në vendlindje, por e njëjta torturë vazhdon edhe gjatë kthimit të tyre në vendet ku punojnë dhe jetojnë, raporton albinfo.at.
Në Merdar sot është raportuar për pritje deri në katër orë, ndërkohë siç mëson albinfo.at, edhe më gjatë mërgimtarët po presin në kufirin Serbi – Kroaci dhe Serbi – Hungari.
Naim Mehmeti, bashkatdhetar yni, i cili jeton në Vjenë, ka thënë për albinfo.at se aktualisht pritjet në kufirin Serbi – Hungari janë deri në tri kilometra.
“Unë sapo e kalova kufirin Serbi – Hungari dhe kemi pritur rreth pesë orë. Kishte shumë kolona dhe vonesa të shumta. Nuk e di a punonin apo jo, por radha e veturave ecte shumë ngadalë”, ka thënë ai. Naimi theksoi se pritjet kanë qenë më të gjata në kufirin e Serbisë dhe më pak në atë të Hungarisë: “Në kufirin e Serbisë kemi pritur rreth katër ore, kurse në atë të Hungarisë përafërsisht një orë”, shtoi ai.
Në anën tjetër, sipas ÖAMTC-së bllokim të madh trafiku janë shënuar edhe në kufirin drejt Kroacisë dhe Sllovenisë, veçanërisht Zagreb –Maribor, në vendkalimin kufitar Macelj – Gruskovje apo në vendkalimet midis Istres dhe Sllovenisë.
Kolona të gjata kësaj fundjave janë duke ndodhur për shkak se në shumë perëndimore dita e hënë është ditë pushimi.
Të tjera nga Lajme
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Neuchâtel: Një algjerian 29-vjeçar u gjet pa shenja jete, në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut