Filmi „Zgjoi“ do të prezantohet edhe në kinematë gjermane

pixabay - Albinfo.ch

Raportohet se filmi „Zgjoi“ („Hive“) i regjisores nga Kosova Blerta Basholli, do të shfaqet prej 8 shtatorit në kinematë e Gjermanisë, njofton albinfo.ch.

Vlen të theksohet se ky film ishte kandidat i sivjetmë i Kosovës për filmin më të mirë ndërkombëtar Oscar.

Ndërkohë që premiera e tij ishte në Festivalin e Filmit Sundance 2021 më 31 janar 2022, ku u bë filmi i parë në historinë e Sundance që fitoi të tri çmimet kryesore: Çmimin e Madh të Jurisë, Çmimin e Audiencës dhe Çmimin e Regjisë.

Po ashtu, ky film  u vlerësua si filmi më i mirë edhe në disa festivale të tjera të filmit në botë, kurse aktorja kryesore, Yllka Gashi, mori çmimin për aktoren me të mirë në festivalin spanjoll “Seminci”, njofton Diaspora Today.

Filmi bazohet në historinë e vërtetë të një gruaje, Fahrijes, e cila përballet me sfidat e jetës, pasi burri i saj u zhduk gjatë Luftës së Kosovës 1998-1999. Në film luajnë Yllka Gashi, Çun Lajçi, Aurita Agushi dhe Adriana Matoshi.