Ushtarët gjermanë trajnojnë forcat ushtarake të Kosovës

Ushtria gjermane po trajnon Policinë ushtarake të Kosovës në shkathtësitë e mbrojtje së afërt, përcjell albinfo.ch.

Trajnimi njëjavor u ka mundësuar policëve tanë ushtarakë që të ngritin nivelin e përgatitjes në taktikat dhe teknikat e mbrojtjes së afërt të personave shumë të rëndësishëm (VIP), bën të ditur ministri i Mbrojtjes, Armend Mehaj.

Ky trajnim u realizua në vazhdën e partneritetit të ngushtë dhe planit të bashkëpunimin bilateral ushtarak në mes të forcave të dy vendeve.

Kosova shpreh mirënjohje dhe falënderim për Ministrinë e Mbrojtjes dhe Forcat e Armatosura të Gjermanisë për gjithë mbështetjen e madhe në ngritjen dhe zhvillimin e aftësive dhe kapaciteteve operacionale të FSK-së, shkruan ministri.