Dalin detaje të reja rreth atentatit të planifikuar ndaj Albin Kurtit

(AP Photo/ Visar Kryeziu)

Gazetari nga Tirana, Isa Myzyraj, ka thënë se rrjedhja e informacioneve nuk janë publikime normale.

Ai për “Kanal 10” ka thënë se dokumenti ku flitej për atentatin ndaj Kryeministrit të Kosovës, Albin Kurti, ishte klasifikuar të mos publikohej për 10 vjet.

“Ne ende nuk e dimë se deri ku arrijnë këto informacione. Ndoshta kjo është vetëm maja e icebergut nëse mund të themi kështu. Agjencitë, si shqiptare, ashtu edhe amerikane e të NATO-s, kanë thënë se janë duke e ndihmuar Shqipërinë për të minimizuar sulmin. Autoritetet në Shqipëri vazhdimisht kanë thënë se nuk ka rrjedhje të informacioneve, por për hirë të së vërtetës gjithë këto publikime konfidenciale nuk janë publikime normale. P.sh. atentati ndaj z. Kurtit ishte i klasifikuar për 10 vjet, pra për 10 vjet nuk mund të dilte në publik”, ka thënë ai.