Evropianët kursejnë për Krishtlindje ndërsa kostot e ushqimit rriten

Konsumatorët në Evropën Lindore po kursejnë për të vënë në tryezë pjatat e tyre të preferuara me krapin dhe mishin e derrit për Krishtlindje, pasi inflacioni i çmimeve të ushqimeve, veçanërisht në Hungari dhe Baltik, tejkalon atë në Bashkimin Evropian.

Çmimet e ushqimeve në Hungari ishin 45.2% më të larta në tetor se një vit më parë, tregojnë të dhënat e Eurostat, me 10 vende në lindje të BE-së që përballen me inflacion të çmimeve të ushqimeve prej më shumë se 20%. Kostoja e ushqimit ishte 33.3% më e lartë në Lituani dhe 30% më e lartë në Letoni krahasuar me tetorin 2021, shkruan “Reuters”, përcjell albinfo.ch.