Gjermania, investitori më i madh në Kosovë

Brenda 10 muajsh, Gjermani ka investuar më shumë se 181.9 milionë euro në Kosovë, duke mbetur investitori numër një në vend

 

Republika e Gjermanisë është investitori më i madh në Kosovë, duke shënuar një investim direkt prej 181.9 milionë eurosh vetëm brenda 10 muajsh të vitit 2022, shkruan albinfo.ch.

Gjermania si prijëse e investimeve të huaja në Kosovë rezulton me një mesatare rreth 18.1 milionë euro çdo muaj.

Kosova ka filluar të jetë atraktive për investitorët gjermanë, veçanërisht pas pandemisë COVID-19.

Ka vite që Gjermania është donatori më i madh bilateral dhe investitori i huaj më i madh në Kosovë.

Ky shtet për vite ka treguar se do të vazhdojë të mbështesë Kosovën në rrugën e saj të reformave që e bëjnë atë të përshtatshme për një të ardhme në Bashkimin Evropian.

Investimet kanë të bëjnë kryesisht në zhvillimin e qëndrueshëm ekonomik në Kosovë, ku fokusohemi në mbështetjen e arsimit profesional dhe zhvillimit të bizneseve. Gjermania po ashtu do të vazhdojë me investime domethënëse në infrastrukturën publike në Kosovë, duke u fokusuar në energji, kanalizim, dhe trajtimin e mbeturinave”.

Vlen të theksohet se 649.5 milionë euro, është vlera e investimeve të huaja në Kosovë, për dhjetë muajt e fundit, apo mesatarisht rreth 65 milionë euro për muaj. /Albinfo.ch

---