Lajme
Shqiptari kapet në punë “pa letra”: Deri 10 vjet burgim mund të dënohet punëdhënësi
Ai përballet me një dënim me burg që, në ratse të veçanta shkon deri në 10 vjet. Gjithashtu, është e mundur një gjobë deri në 500,000 euro
Më 1 shkurt 2023 rreth orës 17:15, zyrtarët e kontrollit financiar për punë të padeklaruar në zyrën kryesore doganore në Dortmund kanë kontrolluar një dyqan ushqimor në Dortmund Hörde bazuar në një informacion.
Mes punëtorëve të gjetur në atë dyqan ishte një shtetas shqiptar që punonte në repartin e mishit, transmeton albinfo.ch. Siç dihet, për t’u lejuar të kërkojnë punë, qytetarëve shqiptarë u nevojitet një leje qëndrimi, e cila u jep të drejtën për të punuar në territorin federal, shkruan guetsel.de.
Por 25-vjeçari shqiptar u identifikua vetëm me një kartë identiteti shqiptare. Ai nuk kishte leje qëndrimi përkatëse prandaj as leje pune, transmeton albinfo.ch. Për këtë arsye atij i lejohet qëndrimi në Gjermani për qëllime turistike vetëm për 90 ditë, që mund të shfrytëzohen në një periudhë prej 180 ditësh.
Nisur nga fakti se ai u gjet duke punuar, i riu humbi të drejtën e qëndrimit pa vizë në Gjermani. Kështu, ndaj tij ka nisur procedimi penal me dyshimin për qëndrim të paligjshëm. Doganierët e kanë arrestuar për momentin. Autoritetet e imigracionit tani do të vendosin për qëndrimin e tij në të ardhmen.
Nga ana tjetër, punëdhënësin e pret procedura për ofrim ndihme dhe nxitje të qëndrimit dhe punësimit të paligjshëm të punëtorëve pa leje pune të vlefshme. Kështu, ai përballet me një dënim me burg që në raste të veçanta (kur punëtori krahas punës në të zezë merr dhje ndihma nga shteti) shkon deri në 10 vjet, përcjell albinfo.ch. Gjithashtu, është e mundur një gjobë deri në 500,000 euro, kur plotësohen kushtet. Gjoba deri në 50.000 euro është e zakonshme, sipas ligjit përkatës gjerman.
E-Diaspora
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë Kryeministri Edi Rama ka kujtuar sërish bashkatdhetarët në Greqi se me 12 maj do të jetë...
-
Paris
Paris: Sukses i madh i filmit “Tashko & Koço”
-
Gjermani
Mynih: Një recital i shkëlqyeshëm piano nga Kosti Deti
-
Gjuha shqipe në Zvicër, tema qendrore e numrit më të ri të revistës albinfo.ch
-
Itali
Arrestohet shqiptari në Itali, kishte mbi 1 kg kokainë në makinë
Jeta në Zvicër
-
Operacioni Pandora: Qendrat e thirrjeve mashtruan edhe në Zvicër Falë hetimeve të Europolit, dymbëdhjetë qendra të thirrjeve kriminale u shkatërruan. Mashtruesit ishin aktivë edhe në...
-
Testet e para në Appenzell për të prezantuar patentë shoferin digjital
-
Nuk ka pagesa me kartë për shuma të vogla, a është kjo e ligjshme?
-
Sulmuesi i talentuar shqiptar vazhdon kontratën me FC Zurich
-
Maratona e Gjenevës në fundjavë, shumë rrugë do të mbyllen