Më shumë se 1000 tonë ndihma dërguar në Ukrainë nga Zvicra

Keystone

Në një nga angazhimet më të mëdha humanitare të Zvicrës deri më sot, qeveria zvicerane ka dërguar më shumë se 1,000 tonë ndihma direkt në Ukrainë, përcjell albinfo.ch.

Zvicra deri më tani ka transferuar gjithashtu rreth 150 milionë CHF organizatave ndërkombëtare për të mirën e Ukrainës, e cila u pushtua nga Rusia shkurtin e kaluar.

Vlera totale e dërgesave të ndihmës nga Zvicra arrin në 20.95 milionë CHF, tha Ministria e Jashtme.

Një pjesë e madhe e ndihmave ishin mallra të përdorura. Vlera e re e të gjitha dërgesave të ndihmës do të arrijë në 27.2 milionë CHF, përcjell tutje albinfo.ch.