Gjermani: Sulm me armë në fabrikën e Mercedesit; një i vrarë, ka edhe të plagosur

Të shtëna në fabrikën e Mercedesit, ka edhe të plagosur

Të shtëna me armë zjarri në fabrikën e Mercedesit në Sindelfingen të Gjermanisë. Një person ka mbetur i vrarë dhe një i plagosur rëndë, përcjell albinfo.ch.

Një zëdhënëse e policisë e konfirmoi sulmin për BILD.

Punonjësit raportojnë se vendi i krimit është Fabrika 56 e automobilave, ku prodhohet edhe S-Class.

Policia ka marrë thirrje emergjente nga ora 7:45 e mëngjesit. Një forcë speciale rrethoi zonën.

Punonjësit e shpëtimit janë në vendngjarje me një kontigjent të madh, duke përfshirë dy helikopterë dhe disa mjekë të urgjencës.

“Një person ka mbetur i vrarë, një i plagosur rëndë. Sfondi është ende i paqartë. Autori u arrestua”, tha zëdhënësja e policisë për BILD.

---