Rama: BE-ja është e qartë për situatën në veri

Keystone (AP Photo/Franc Zhurda)

Kryeministri i Shqipërisë, Edi Rama, ka thënë që veprimet e Kosovës janë absurde dhe ato të Serbisë nxitëse, për situatën e krijuar në veri.

“BE-ja nuk mund të ishte më e qartë! Vazhdimi i këtij mosplani absurd duke vendosur policinë për të mbrojtur ndërtesat boshe, në të cilat zyrtarët e zgjedhur nuk mund të hyjnë, dhe nga ana tjetër, vendosja e trupave të ushtrisë për të kënduar në kufirin e një vendi tjetër nuk mund të ishte më vetëshkaktuese dhe më pak evropiane”, ka shkruar Rama në Twitter.

Ai ka shtuar se Kosova dhe Serbia duhet të gjejnë zgjidhje për këto tensione para se BE-ja të zbatojë masa të forta kundër të dyjave.

“Shpresoj shumë që Kosova jonë vëllazërore dhe Serbia mike do ta zgjidhin këtë konflikt përpara se BE-ja të zbatojë masa të forta kundër tyre. Ata duhet të veprojnë shpejt dhe të kuptojnë se përmbushja e kërkesave të BE-së do të thotë kthim në vete si shtete evropiane përgjegjëse”, u shpreh ai, përcjell albinfo.ch.