Shqipëri: Kultivuan kanabis dhe ua shisnin turistëve

Ilustrim, Pixabay

Në plazhin e Krorëzit në Shqipëri janë zbuluar dy persona që kultivonin kanabis dhe ua shisnin turistëve.

Lokalet e tyre ishin përshtatur për kultivim dhe shitje të cannabis sativës dhe për mbajtje të municionit luftarak, si dhe se për llogari të tyre, ishte pushtuar hapësirë publike, për çadra dhe shezlongë, shkruan Top channel.

“Dy pronarët 2 pronarë të këtyre lokaleve janë vënë në pranga, A. N., 28 vjeç dhe E. I., 39 vjeç, të dy banues në Sarandë, ndërsa një tjetër është shpallur në kërkim. Kamerieri i cili nuk kallëzonte krimin, do ndiqet penalisht nga organet përkatëse”, thuhet në njoftim, përcjell albinfo.ch.

Policia ka sekuestruar lëndë narkotike cannabis sativa, municion luftarak, 90 çadra dhe 180 shezlongë, si dhe ka asgjësuar nëpërmjet djegies bimë narkotike cannabis sativa, shkruan TCH.