Kosova

Kosovë: Ministrja e Drejtësisë hedh dyshime mbi Prokurorinë Speciale

E enjte, 24 Gusht 2023 - 17:40 albinfo.ch

Ministrja e Drejtësisë në Kosovë, Albulena Haxhiu, përmes një videoje në rrjetin social Facebook ka hedhur dyshime mbi punën e Prokurorisë Speciale.

Ajo ka folur për një pronë në Vushtrri që, sipas saj, i takon dikasterit që udhëheq, por që i është dhënë për 10 vjet në shfrytëzim një personi fizik nga ish-ministri i Drejtësisë dhe ish-drejtori i burgjeve, shkruan albinfo.ch.

Haxhiu ka thënë se auditori i brendshëm i ministrisë ka gjetur se kontrata është lidhur pa asnjë bazë ligjore dhe kushtetuese.

“Për çfarë dhe për kë po punon Prokuroria Speciale?”, u shpreh ajo, me ç’rast akuzoi Prokurorinë e Shtetit se ka krijuar precedent të rrezikshëm, meqë nuk e ka konsideruar vepër penale rrënimin e objektit të ish-hotelit Vicianum.

Ndër të tjera, ajo ka thënë se në Prokurori dhe Polici kanë bërë edhe shumë denoncime të tjera, por që nuk është ndërmarrë asnjë veprim.

 Të tjera nga Kosova

Kryetari i LDK-së: Mund ta propozojmë edhe Vjosa Osmanin, nëse na i garantoni 66 vota për të

 E-Diaspora

 Jeta në Zvicër