Kosova

Presidentja e Kosovës udhëton në Shkup

Nesër mbahet takimi i liderëve të rajonit në kuadër të Procesit Brdo-Brione

E diel, 10 Shtator 2023 - 18:00 albinfo.ch
Vjosa Osmani, Presidente e Kosoves

Presidentja e Republikës së Kosovës, Vjosa Osmani, ka udhëtuar sot në Shkup, ku do të marrë pjesë në takimin vjetor të krerëve të shteteve të rajonit në kuadër të Procesit të Brdo-Brione. Sipas njoftimit nga Presidenca, ajo ëshë paraparë të mbajë fjalim dhe do të ketë takime bilaterale me krerët e shteteve pjesëmarrëse, shkruan albinfo.ch.

Temat qendrore të takimit janë përshpejtimi i procesit të anëtarësimit në Bashkimin Evropian, luftimi dhe zvogëlimi i pasojave nga ndryshimet klimatike në rajon, si dhe krijimi i kushteve për qëndrimin e të rinjve në Ballkanin Perëndimor.

Procesi i Brdo-Brione është një nismë rajonale e bashkëthemeluar nga presidentët slloven dhe kroat në vitin 2010, ndërkaq takimi është ngjarje vjetore, në të cilën takohen presidentët e gjashtë shteteve të Ballkanit Perëndimor dhe të Sllovenisë e Kroacisë, ku fokusi kryesor është në procesin e zgjerimit të Bashkimit Evropian dhe anëtarësimin e rajonit në këtë union.

Ndyrshe, Osmani gjatë qëndrimit në Maqedoninë e Veriut, bashkë me presidentin e Maqedonisë së Veriut, Stevo Pendarovski dhe atij të Shqipërisë, Bajram Begaj, do të marrë pjesë në ceremoninë e përurimit të bustit të Shën Terezës në hapësirën e Ambasadës së Republikës së Kosovës në Shkup.

 Të tjera nga Kosova

Kryetari i LDK-së: Mund ta propozojmë edhe Vjosa Osmanin, nëse na i garantoni 66 vota për të

 E-Diaspora

 Jeta në Zvicër