SHBA lëshon lajmërim sigurie për shtetasit e saj

Departamenti Amerikan i Shtetit ka lëshuar një “lajmërim sigurie të kujdesit mbarëbotëror” për të gjithë qytetarët e tij jashtë shtetit, duke përmendur potencialin për sulme.

“Për shkak të rritjes së tensioneve në vende të ndryshme anembanë botës, potencialit për sulme terroriste, demonstrata apo veprime të dhunshme kundër qytetarëve dhe interesave të SHBA-së, Departamenti i Shtetit këshillon qytetarët amerikanë jashtë shtetit të tregojnë kujdes të shtuar”, thuhet në deklaratë, transmeton euronews, përcjell albinfo.ch.

Kjo do të thotë që qytetarët amerikanë duhet të qëndrojnë vigjilentë në pikat turistike dhe të regjistrohen për të marrë informacione dhe sinjalizime.