Kryeministri i ri i Malit të Zi: Ndikimi i Serbisë, “zero”

Përfshirja në koalicionin qeverisë në Mal të Zi të një formacioni pro-rus dhe pro-serb që ka marrë kryetarin e Kuvendit, e që në program ka tërheqjen e njohjes së Kosovës, largimin e sanksioneve ndaj Rusisë dhe qasjen anti-NATO, ka ngritur shqetësimet për drejtimin që mund të marrë Mali i Zi, përcjell albinfo.ch.

Megjithatë, kryeministri i ri, Milojko Spajiq, në deklaratën e tij të parë pas zgjedhjes së qeverisë së re të Malit të Zi, i pyetur se sa do të ketë ndikim Beogradi në punën e Qeverisë, ka thënë “zero”, shkruan N1.

Ai ka thënë gjithashtu se Beogradi s’ka pasur kurrfarë ndikimin në formimin e Qeverisë.

Spajiq e ka pasuar Dritan Abazoviqin në pozitën e kryeministrit, ndërkohë që në krye të Kuvendit të Malit të Zi është zgjedhur Andrija Mandic nga koalicioni pro-serb dhe pro-rus.