Kosova

Pas FIT-it, sot proteston edhe Njësia Speciale Operative

E enjte, 2 Nëntor 2023 - 9:50 albinfo.ch

 

Pas shprehjes së pakënaqësisë lidhur me shtesat e pagave dhe rrezikshmërisë në punë nga Njësia Speciale Intervenuese e policisë dhe ajo për Eksploziv dhe Deminim, sot do të protestojë edhe Njësia Speciale Operative, përcjell albinfo.ch.

Media mëson se protesta e tyre do të bëhet brenda zyrave, për dallim nga dy njësitë e tjera elitare që protestën e bënë para objektit të qeverisë.

Pjesëtarët e këtij njësiti gjatë ditës së sotme nuk do të dalin nga aty.

Gjatë së mërkurës, pjesëtarët e njësive elitare të policisë kërkuan nga kryeministri i Kosovës, Albin Kurti, që t’i marrë seriozisht kërkesat e tyre.

Ata thanë se nuk do të zbrapsen nga ato.

Ministri i Punëve të Brendshme, Xhelal Sveçla, ka deklaruar se mbështetja për policinë nuk ka munguar.

Sipas tij, të ardhurat e njësive speciale kanë shkuar deri në 2200 euro.

Ndërkaq, kryeministri i Kosovës, Albin Kurti, tha se pajisjet e tyre kapin shumën e 10 mijë eurove.

 

 Të tjera nga Kosova

Mërgata do të votojë më 27 dhjetor në përfaqësitë diplomatike, KQZ jep udhëzime për procesin

 E-Diaspora

 Jeta në Zvicër