“Nuk është Zajednica”, Kurti pyet PDK-në dhe LDK-në: Pse Vuçiqi nënshkroi me juve, e jo me mua?

Kryeministri i Kosovës, Albin Kurti, është duke vazhduar raportimin e tij para deputetëve rreth procesit të dialogut Kosovë-Serbi, përcjell albinfo.ch.

“Edhe një herë po e ritheksoj, unë jam edhe i gatshëm për nënshkrim edhe i interesuar, Beogradi nuk po do të nënshkruajë me mua. Ka nënshkruar edhe me PDK-në, edhe me LDK-në. Aman më tregon se si ia keni bërë që ta mësoj edhe unë? Dilni në foltore e më njoftoni sinqerisht, e mundësisht edhe kolegialisht e vëllazërisht, si ia keni bërë që me juve nënshkruante? Mua po më ik, nuk po nënshkruan, po shpall zgjedhje. Në dialogun e juaj ai ishte konstant e në Kosovë mbaheshin zgjedhje, tash, unë jam konstant, e në Serbi mbahen zgjedhjet”, deklaroi Kurti.

“Qëndrimin për përputhshmërinë draft-statutit do ta japë Gjykata Kushtetues, por unë do të jap disa vlerësime politike të mia: E para, drafti në vlerësimin tim politik e ndërprenë trashëgiminë e mosnjohjes që ishte në marrëveshjet 2013. Drafti ka qartësi sa i përket njohjes si një shtet i pavarur, me të cilin serbët do të jetojnë. Nuk është ‘Zajednica”, siç e parashihnin marrëveshjet e 2013-ës e 2015-ës. Drafti e mbyll hapësirën që serbëve t’u japë ndjenja për një luftë territorial”, tha ai.