Për 8 muaj, mbi 7.700 të rinj të punësuar në Kosovë përmes “Superpunës”

Gjatë tetë muajve në Kosovë janë punësuar afër tetë mijë të rinj përmes platformës “Superpuna”.

Për këtë ka njoftuar ministri i Financave, Punës dhe Transfereve, Hekuran Murati, përmes një postimi në Facebook.

Ai ka thënë se numri i bizneseve që kanë përfituar nga kjo skemë e platformës në mbështetje për punësimin e të rinjve, kalon shifrën e 5 mijë, ndërsa mbi 7 mijë të rinj janë punësuar.

“Superpuna në shifra, për 8 muaj operim: 7,786 të rinj përfitues të punësuar. Prej tyre: 3,914 vajza, 3,872 djem. Në total janë 5,832 biznese që deri më tani kanë përfituar nga skema e mbështetjes për punësimin e të rinjve. Qeveria për Rininë! Qeveria për Ekonominë!”, ka shkruar ministri Murati./Albinfo.ch