Qytetari serb: Pse të mos e njoh unë Kosovën, të gjithë e njohin

@albinfo.ch

Rreth dy javë që kur Qeveria e Kosovës ka marrë vendim për shtyrjen e afatit për riregjistrimin e veturave për serbët e veriut, këtë të drejtë e kanë shfryytëzuar mbi 1500 qytetarë që kanë ndërruar targat ilegale me ato RKS.

Qytetarët që jetojnë në pjesën veriore të Kosovës këto ditë vijnë dhe bëjnë riregjistrim, një nga të paktët që u pajtua është Dragan Kostiq nga fshati Sllatinë, afër Vushtrrisë, i cili jeton në fshatin Grabovc, komuna e Zveçanit që nga përfundimi i luftës në Kosovë në vitin 1999.

“Vendosa sepse nuk ka rrugëdalje tjetër. Unë jetoj në një vend që ne, bëhemi sikur nuk e njohim, por, realisht, njihet. E gjithë bota e pranoi, e unë kishe nuk po e njoh”, tha Kostiq për Anadoly Agency.

Kostiq shton se edhe vitin e kaluar ka qenë i vetëdijshëm se duhet ta riregjistrojë veturën, por ka pasur frikë se mos i digjet vetura ose e rrahin.

Afati i fundit për riregjistrim është 1 dhjetori, përcjell albinfo.ch.