Presidenti austriak kafshohet nga qeni i presidentes së Moldavisë

Qeni i presidentes së Moldavisë ia ka kafshuar dorën presidentit të Austrisë, Alexander Va nder Bellen.

Presidentja Maia Sandu po ecte me mysafirin e saj në oborrin e Presidencës, kur ai u përpoq ta ledhatonte qenin, por u përball me sulm.

Qeni i quajtur Codrut është frikësuar nga numri i madh i njerëzve përreth, ka thënë presidentja Sandu.

Van der Bellen u pa më vonë me dorën e lidhur. Moldavia, që ndan kufirin me Ukrainën dhe Rumaninë, ka mbajtur takime me Austrinë dhe Slloveninë në përpjekje për anëtarësimin në BE.