Kamionët me ndihma kanë filluar të hyjnë në Gaza

Sot, BBC ka raportuar se rreth 200 kamionë në ditë gjatë periudhës së ardhshme katërditore të marrëveshjes për armëpushim do të dërgojnë në Gaza gjëra të tilla si furnizime mjekësore, gjëra bazë, si ushqim dhe ujë dhe gjithashtu karburant, që ka qenë një pjesë e rëndësishme e kësaj marrëveshjeje, përcjell albinfo.ch.

Izraeli këmbënguli për shumë ditë që karburanti të mos kalonte në Gaza, sepse ata thanë se tashmë kishte karburant që po grumbullohej nga Hamasi dhe kishin frikë nëse dërgonin më shumë karburant, militantët do ta merrnin dhe do ta përdornin si pjesë të operacioneve të tyre kundër forcave të Izraelit.

Por, si pjesë e kësaj marrëveshjeje të negociuar nga Katari do të ketë katër cisterna me karburant në ditë që hyjnë, me garanci se do të dërgohet direkt në vendet që kanë nevojë për to, si spitalet dhe nuk do të lejohet të bjerë në duar të Hamasit.

“Kjo është ajo që ne po shohim tani në vendkalimin Rafah – lëvizja e atyre kamionëve që transportonin ndihma jetike humanitare fillon të lëvizë drejt Gazës”, ka thënë një reportere e BBC-së.