Stafi i lokalit në Suedi, ku punonte Liridona Ademaj, shpreh pikëllimin për vdekjen e saj

Vrasja në mënyrë mizore e Liridona Ademajt, i ka pikëlluar shumë kolegët e saj të punës në Suedi.

Përmes një postimi në rrjete sociale, lokali ku e ndjera punonte shprehën dhimbjen për humbjen e saj.

“Një grua që gjithmonë i vlerësonte klientët dhe donte të sigurohej që ata të kishin gjithmonë përvojën më të mirë me ne. Ajo gjithmonë jepte 100% në vendin e punës dhe ishte një përhapëse e vërtetë gëzimi, me një buzëqeshje të madhe në fytyrën e saj që u përhap shpejt si te kolegët, ashtu edhe te klientët. Puna e vështirë nuk ishte e panjohur për të, qoftë në punë apo në privat. Ajo e donte jetën familjare dhe 2 djemtë e saj të mrekullueshëm më shumë se çdo gjë në botë”, thuhet në mesazhin e tyre.